“Сәтті өмірге бір қадам” тренингі 
Бүгін біздің мектеп - гимназиямызда 11 “Б” және 11 “В” сынып оқушылары үшін *”Сәтті өмірге бір қадам”* атты психологиялық тренинг өткізілді. Бұл шараны мектеп психологтары Аймагамбетова Гулбада мен Исаева Гулжанат ұйымдастырды.  Тренингтің басты мақсаты - мектеп бітіруші түлектерді алдағы маңызды өмірлік кезеңдерге дайындау, болашаққа деген сенімділікті арттыру, өзін - өзі дамыту мен стресс жағдайларын жеңу жолдарын үйрету болды.  

*Тренингтің маңыздылығы*:  

• Оқушыларға *өз болашағын жоспарлаудың тиімді жолдарын* үйрету;  
• Сынақтар мен қиындықтарға дайын болуға психологиялық тұрғыдан қолдау көрсету;  
• Өзін - өзі дамыту, мотивацияны арттыру, және өз - өзіне деген сенімділікті қалыптастыру.  

*Оқушылардың алған әсерлері*:  
Тренинг барысында түлектер өмірге қатысты маңызды сұрақтарға жауап іздеп, өз мүмкіндіктерін қалай дұрыс пайдалануға болатынын түсінді. Оқушылар тренингтен кейін ерекше шабыттанғандарын айтып, болашаққа деген сенімдерінің артқанын жеткізді. Олар тренингте алған білімдерін алдағы емтихандар мен өмірлік шешімдер қабылдауда қолданатындарын атап өтті.  

*”Сәтті өмірге бір қадам” тренингі - түлектердің болашаққа деген сенімді қадамдарын қалыптастыруға көмектескен маңызды шара болды!* Алдағы уақытта оқушыларымыздың жаңа биіктерді бағындыратынына сенімдіміз!