Бүгін, 29 қазан 2025 жылы, Н.Ильясов атындағы №9 мектеп-гимназиясында №2 педагогикалық кеңес өткізілді. Кеңесті мектеп-гимназия директоры Бекзат Сағындықұлы Ибраев ашып, жаңа оқу жылының алғашқы тоқсаны аяқталып, оның нәтижелерін талқылаудың маңыздылығын атап өтті.

Директор педагогикалық кеңес – ұжымның кәсіби даму алаңы, мұғалімдердің бірлесе отырып тәжірибе алмасатын, оқу-тәрбие процесін жетілдіруге бағытталған маңызды орта екенін ерекше атап өтті.

Күн тәртібіндегі мәселелер:

І тоқсан қорытындысы бойынша білім сапасы мен оқу бағдарламасының орындалуы

Баяндамашы – Елемесова Ш.М.

Бірінші тоқсан қорытындысы бойынша білім сапасы, оқушылардың үлгерім деңгейі, сабақтарға қатысу және оқу бағдарламасының орындалуы егжей-тегжейлі талданды.

Пән мұғалімдерінің жұмыс жүйесі, оқушылардың жеке оқу жетістіктері мен сабақ сапасы бойынша талдау жасалды.

Оқушылардың оқу жетістіктерін арттыруда қолданылатын жаңа әдіс-тәсілдер мен цифрлық құралдардың тиімділігі атап өтілді.

Сондай-ақ, білім сапасын арттыру мақсатында пән бірлестіктеріне нақты міндеттер жүктелді.

«Алтын белгі» және «Үздік аттестат» үміткерлерінің тізімін анықтау, комиссия құру

Жауапты – Сардарбекова Г.Б.

11-сынып оқушылары арасынан «Алтын белгі» мен «Үздік аттестатқа» үміткерлердің білім жетістіктері, үлгерім динамикасы және қоғамдық белсенділігі талқыланды.

Үміткерлердің оқу жетістіктері бойынша деректер ұсынылып, комиссия мүшелері бекітілді.

Мақсат – үздік оқушылардың жетістіктерін әділ бағалау және оларды ҰБТ мен қорытынды аттестаттауға сапалы даярлау.

2025–2026 оқу жылында аттестаттаудан өтетін мұғалімдер туралы

Баяндамашы – Сүйіндікова С.М.

Мектеп ұжымындағы педагогтердің кәсіби дамуын қолдау мақсатында алдағы жылы аттестаттаудан өтетін мұғалімдердің тізімі таныстырылды.

Аттестаттау – мұғалімнің кәсіби құзыреттілігін айқындайтын, тәжірибесін жетілдіруге мүмкіндік беретін маңызды рәсім екені айтылды.

Педагогтерді аттестаттауға дайындық кезеңдері, портфолио талаптары мен әдістемелік көмек шаралары баяндалды.

Сонымен қатар, кәсіби бағдар беру бағытындағы жұмыстар, жыл бойына жоспарланған сынақ тесттері мен дайындық сабақтарының маңызы атап өтілді.

Ағымдағы мәселелер

Кеңес барысында оқу-тәрбие процесін ұйымдастыру, тәртіп пен сабаққа қатысу мәселелері талқыланды.

Мұғалімдер мен сынып жетекшілеріне оқушылардың оқу мотивациясын арттыру, ата-аналармен кері байланысты нығайту жөнінде ұсыныстар берілді.

Кітап оқу мәдениетін дамыту, оқу апталығын ұйымдастыру және мектепішілік жобаларға қатысу бойынша нақты тапсырмалар қойылды.

Қорытынды бөлімде:

Мектеп директоры Бекзат Сағындықұлы мұғалімдерге білім сапасын арттырудағы еңбектері үшін алғыс білдіріп, ұжымдық ынтымақтастықтың, өзара қолдаудың және кәсібиліктің маңыздылығын ерекше атап өтті.

Кеңес қорытындысы бойынша нақты шешімдер қабылданып, жауапты тұлғаларға тапсырмалар жүктелді.