16–17 қазан күндері Нағи Ильясов атындағы №9 мектеп-гимназиясында дәстүрге айналған «Алтын күз – 2025» атты жәрмеңке жоғары деңгейде ұйымдастырылды.

Іс-шараға 5–7 сынып оқушылары мен ата-аналары белсене қатысып, өз қолдарымен әзірлеген тағамдар, тәттілер мен қолдан жасалған бұйымдарын ұсынды.  Жәрмеңке барысында оқушылардың еңбекқорлығы, ұйымшылдығы, шығармашылығы және кәсіпкерлік қабілеттері ерекше көрініс тапты.

Шараның басты мақсаты — оқушыларды еңбексүйгіштікке, ұйымшылдыққа, өз еңбегінің нәтижесін бағалай білуге тәрбиелеу, сондай-ақ ұлттық құндылықтарды дәріптеу болды. 🇰🇿

Жәрмеңкеден түскен қаржы мөлшері оқушылар мен ата-аналардың бірлескен шешімімен қайырымдылық мақсатында жұмсалды.  Бұл — мейірім мен ізгіліктің, бірлік пен ортақ жауапкершіліктің жарқын үлгісі.

«Алтын күз» жәрмеңкесі қатысушыларға көтеріңкі көңіл-күй, ұмытылмас сәттер мен ізгі істерге деген шабыт сыйлады.