30 қазан күні Нағи Ільясов атындағы №9 мектеп-гимназиясында «Мектеп – бала – ата-ана: бірлікте болашаққа!» атты Ашық есік күні жоғары деңгейде өтті.

Бұл күні ата-аналар мектеп-гимназияның тыныс-тіршілігімен жақынырақ танысып, балаларының білім, өнер және шығармашылық жетістіктерін көруге мүмкіндік алды.

 Іс-шара бағдарламасы аясында:

«Нағитану» жобасы таныстырылды, оқушылар өлең-жыр шумақтарын ата-аналарына тарту етті.

Мектеп-гимназиядағыбес тас, асық ату, тоғызқұмалақ, волейбол, гандбол спорттық үйірмелердің жұмыстары көрсетілді.

Бастауыш сынып оқушылары Абайдың «Толық Адам әлемін ұлықтау» атты тағылымды іс-шарасын ұсынылып, «Адамзат, табиғатпен егіз бе едің?» танымдық көрмесі ұйымдастырылды.

«Smart Bala», «Шабыт» жобалары оқушыларының жұмыстары ұсынылды.

Дефектолог-логопед кабинетінің жұмысы таныстырылып, ата-аналарға кеңестер берілді.

Ата-аналар сыныптарға саяхат жасап, мектеп-гимназия асханасы мен оқу кабинеттерімен танысты.

Парламент өзін-өзі басқару ұйымы оқушыларының концерттік бағдарламасы көрсетілді.

Шара соңында жылы шырайлы «Бауырсақ пати» ұйымдастырылып, қонақтарға мерекелік көңіл-күй сыйлады.

 Ашық есік күні ата-ана мен мектеп арасындағы ынтымақтастықты арттырып, бала болашағы үшін бірлесе еңбек етудің маңызын айқындады.