25 қазан – Республика күні мерекесіне орай Н.Ильясов атындағы №9 мектеп-гимназиясында 5-11 сынып оқушылары арасында жалпы республикалық диктант жазу шарасы ұйымдастырылды.

Диктанттың мақсаты – оқушылардың тіл мәдениетін арттыру, сауатты жазу дағдыларын қалыптастыру, және қазақ тілінің мәртебесін көтеру арқылы Отанға деген сүйіспеншілікті ояту.

 Бұл іс-шараның маңыздылығы – жас ұрпаққа туған елінің тарихы мен тәуелсіздік құндылығын сезіндіру, ұлттық рух пен елжандылық сезімді нығайту. Әрбір оқушының жүрегінде Қазақстанға деген мақтаныш сезімі мен жауапкершілік ұялатты.

 Оқушылар белсенділікпен қатысып, өз білімдерін, тілге деген құрметін көрсетті.

Халықтың ең үлкен байлығы – оның тілі мен тәуелсіздігі.

Ал біз сол байлықты ұлықтай білетін ұрпақ тәрбиелеп келеміз!