Құрметті ұстаздар!
Қымбатты оқушылар, қадірлі ата - аналар!
Сіздерді дәстүрлі Білім күнімен, жаңа оқу жылының басталу мерекесімен құттықтаймын!
Адам өміріндегі сарқылмас қазына-ол білім. Адам баласы барлық арман, мақсаттарына тек білім арқылы ғана жете алады. Бүгін еліміздегі барлық білім беру мекемелері білім нәрін алам деген Отанымыздың жастарын, бүлдіршіндерін құшақ жая қарсы алуда.
Санасы ашық, халқымыздың рухани-адамгершілік құндылықтарын бойына сіңірген өрендерді тәрбиелеу жолында біздің мектеп-гимназия ұжымы да қажырлы еңбек етуде.
Барша әріптестерімді Білім күнімен шын жүректен құттықтаймын! Сіздерге ерекше мерекеде мықты денсаулық , жаңа жетістіктер мен ұдайы ізденістер тілеймін!
Ал оқушыларымызға жақсы оқуға, еліміздің пайымды, парасатты азаматтары болып қалыптасуына тілектеспін!
Мереке құтты болсын!
Құрметпен Нағи Ильясов атындағы №9 мектеп - гимназия директоры Абиев Батырбек Алтынбаевич
